عبداللہ بن زبیر (رض) کہتے ہیں کہ تم اپنی عورتوں کو ریشم نہ پہناؤ اس لیے کہ میں نے عمر بن خطاب (رض) کو کہتے سنا ہے کہ رسول اللہ ﷺ نے فرمایا : جس نے دنیا میں ریشم پہنا، وہ اسے آخرت میں نہیں پہن سکے گا ١ ؎۔ تخریج دارالدعوہ : صحیح البخاری/اللباس ٢٥ (٥٨٣٤) ، صحیح مسلم/اللباس ٢ (٢٠٦٩) ، (تحفة الأشراف : ١٠٤٨٣) ، مسند احمد (١/٤٦) (صحیح ) وضاحت : ١ ؎: یہ عبداللہ بن زبیر (رض) کی اپنی سمجھ ہے، انہوں نے اس فرمان کو عام سمجھا حالانکہ یہ مردوں کے لیے ہے، ممکن ہے ان کو وہ حدیث رسول ﷺ نہیں پہنچ سکی ہو جس میں صراحت ہے کہ ریشم امت کی عورتوں کے لیے حلال اور مردوں کے لیے حرام ہے ، واللہ اعلم۔ قال الشيخ الألباني : صحيح صحيح وضعيف سنن النسائي الألباني : حديث نمبر 5305