نافع روایت کرتے ہیں کہ ابن عمر رضی اللہ عنہم نے ایک سرد اور ہوا والی رات میں نماز کے لیے اذان دی، تو انہوں نے کہا : ألا صلوا في الرحال لوگو سنو ! (اپنے) گھروں میں نماز پڑھ لو کیونکہ رسول اللہ ﷺ جب سرد بارش والی رات ہوتی تو مؤذن کو حکم دیتے تو وہ کہتا : ألا صلوا في الرحال لوگو سنو ! (اپنے) گھروں میں نماز پڑھ لو ۔ تخریج دارالدعوہ : صحیح البخاری/الأذان ٤٠ (٦٦٦) ، صحیح مسلم/المسافرین ٣ (٦٩٧) ، سنن ابی داود/الصلاة ٢١٤ (١٠٦٣) ، وقد أخرجہ : موطا امام مالک/الصلاة ٢ (١٠) ، مسند احمد ٢/٦٣، سنن الدارمی/الصلاة ٥٥ (١٣١١) ، (تحفة الأشراف : ٨٣٤٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 654