ام المؤمنین عائشہ رضی الله عنہا کہتی ہیں جب جب رسول اللہ ﷺ کی باری ان کے یہاں ہوتی تو رات کے آخری (حصے) میں مقبرہ بقیع کی طرف نکل جاتے، (اور) کہتے : السلام عليكم دار قوم مؤمنين وإنا وإياكم متواعدون غدا أو مواکلون وإنا إن شاء اللہ بکم لاحقون اللہم اغفر لأهل بقيع الغرقد اے مومن گھر (قبرستان) والو ! تم پر سلامتی ہو، ہم اور تم آپس میں ایک دوسرے سے کل کی حاضری کا وعدہ کرنے والے ہیں، اور آپس میں ایک دوسرے پر بھروسہ کرنے والے ہیں، اور اگر اللہ تعالیٰ نے چاہا تو ہم تم سے ملنے والے ہیں، اے اللہ ! بقیع غرقد والوں کی مغفرت فرما ۔ تخریج دارالدعوہ : صحیح مسلم/الجنائز ٣٥ (٩٧٤) ، مسند احمد ٦/١٨٠، (تحفة الأشراف : ١٧٣٩٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 2039