قبیصہ بن مخارق رضی الله عنہ کہتے ہیں کہ میں نے ایک قرض اپنے ذمہ لے لیا، تو میں نبی اکرم ﷺ کے پاس آیا، اور آپ سے اس سلسلہ میں سوال کیا، تو آپ نے فرمایا : مانگنا صرف تین لوگوں کے لیے جائز ہے، ان میں سے ایک وہ شخص ہے جس نے قوم کے کسی شخص کے قرض کی ضمانت لے لی ہو (پھر وہ ادا نہ کرسکے) ، تو وہ دوسرے سے مانگے یہاں تک کہ اسے ادا کر دے، پھر رک جائے ۔ تخریج دارالدعوہ : صحیح مسلم/الزکاة ٣٦ (١٠٤٤) ، سنن ابی داود/الزکاة ٢٦ (١٦٤٠) ، (تحفة الأشراف : ١١٠٦٨) ، مسند احمد (٣/٤٧٧، و ٥/٦٠) ، سنن الدارمی/الزکاة ٣٧ (١٦٨٥) ، ویأتی عند المؤلف برقم ٢٥٩٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 2579