ابوموسیٰ اشعری (رض) کہتے ہیں کہ رسول اللہ ﷺ نے فرمایا : جو کوئی بھی مرجائے پھر اس پر رونے والا کھڑا ہو کر کہے : ہائے میرے پہاڑ، ہائے میرے سردار یا اس جیسے الفاظ کہے تو اسے دو فرشتوں کے حوالے کردیا جاتا ہے، وہ اسے گھونسے مارتے ہیں (اور کہتے جاتے ہیں) کیا تو ایسا ہی تھا ؟ ۔ امام ترمذی کہتے ہیں : یہ حدیث حسن غریب ہے۔ تخریج دارالدعوہ : سنن ابن ماجہ/الجنائز ٥٤ (١٥٩٤) (تحفة الأشراف : ٩٠٣١) (حسن) قال الشيخ الألباني : حسن، ابن ماجة (1594) صحيح وضعيف سنن الترمذي الألباني : حديث نمبر 1003