رویفع بن ثابت (رض) سے روایت ہے کہ نبی اکرم ﷺ نے فرمایا : جو اللہ اور یوم آخرت پر ایمان رکھتا ہو وہ اپنی (منی) کسی غیر کے بچے کو نہ پلائے ١ ؎۔ امام ترمذی کہتے ہیں : ١- یہ حدیث حسن ہے، ٢- یہ اور بھی کئی طرق سے رویفع بن ثابت (رض) سے روایت کی گئی ہے، ٣- اہل علم کا عمل اسی پر ہے۔ یہ لوگ کسی شخص کے لیے یہ جائز نہیں سمجھتے کہ وہ جب کوئی حاملہ لونڈی خریدے تو وہ اس سے صحبت کرے جب تک کہ اسے وضع حمل نہ ہوجائے، ٤- اس باب میں ابو الدرداء، ابن عباس، عرباض بن ساریہ اور ابو سعید خدری (رض) سے بھی احادیث آئی ہیں۔ تخریج دارالدعوہ : سنن ابی داود/ النکاح ٤٥ (٢١٥٨) ، ( تحفة الأشراف : ٣٦١٥) ، مسند احمد (٤/١٠٨) ، سنن الدارمی/السیر ٣٧ (٢٥٢٠) (حسن) وضاحت : ١ ؎ : یعنی جو لونڈی کسی اور سے حاملہ ہو پھر وہ اسے خریدے تو اس سے صحبت نہ کرے جب تک کہ اسے وضع حمل نہ ہوجائے۔ قال الشيخ الألباني : حسن، الإرواء (2137) ، صحيح أبي داود (1874) صحيح وضعيف سنن الترمذي الألباني : حديث نمبر 1131