جابر بن عبداللہ (رض) کہتے ہیں کہ انہوں نے (راستے میں) نبی اکرم ﷺ سے ایک اونٹ بیچا اور اپنے گھر والوں تک سوار ہو کر جانے کی شرط رکھی لگائی ١ ؎۔ امام ترمذی کہتے ہیں : ١ - یہ حدیث حسن صحیح ہے، ٢ - یہ اور بھی سندوں سے جابر سے مروی ہے، ٣ - صحابہ کرام وغیرہم میں سے بعض اہل علم کا اسی پر عمل ہے۔ یہ لوگ بیع میں شرط کو جائز سمجھتے ہیں جب شرط ایک ہو۔ یہی قول احمد اور اسحاق بن راہویہ کا ہے، ٤ - اور بعض اہل علم کہتے ہیں کہ بیع میں شرط جائز نہیں ہے اور جب اس میں شرط ہو تو بیع تام نہیں ہوگی۔ تخریج دارالدعوہ : صحیح البخاری/البیوع ٤٣ (٢٠٩٧) ، والاستقراض ١ (٢٣٨٥) ، و ١٨ (٢٤٠٦) ، والمظالم ٢٦ (٢٤٧٠) ، والشروط ٤ (٢٧١٨) ، والجہاد ٤٩ (٢٨٦١) ، و ١١٣ (٢٩٦٧) ، صحیح مسلم/البیوع ٤٢ (المساقاة ٢١) ، (٢١٥) ، والرضاع ١٦ ٥٧ و ٥٨) ، سنن ابی داود/ البیوع ٧٧ (٤٦٤١) ، سنن ابن ماجہ/التجارات ٢٩ (٢٢٠٥) ، (تحفہ الأشراف : ٢٣٤١) ، و مسند احمد (٣/٢٩٩) (صحیح ) وضاحت : ١ ؎ : اس سے معلوم ہوا کہ بیع میں اگر جائز شرط ہو تو بیع اور شرط دونوں درست ہیں۔ قال الشيخ الألباني : صحيح، ابن ماجة (2205) صحيح وضعيف سنن الترمذي الألباني : حديث نمبر 1253