انس (رض) سے روایت ہے کہ نبی اکرم ﷺ نے فرمایا : جو بھی مسلمان کوئی درخت لگاتا ہے یا فصل بوتا ہے اور اس میں سے انسان یا پرند یا چرند کھاتا ہے تو وہ اس کے لیے صدقہ ہوتا ہے ۔ امام ترمذی کہتے ہیں : ١ - انس (رض) کی حدیث حسن صحیح ہے، ٢ - اس باب میں ابوایوب، جابر، ام مبشر اور زید بن خالد (رض) سے بھی احادیث آئی ہیں۔ تخریج دارالدعوہ : صحیح البخاری/الحرث المزارعة ١ (٢٣٢٠) ، والأدب ٢٧ (٦٠١٢) ، صحیح مسلم/المساقاة ٢ (البیوع ٢٣) (١٥٥٣) ، (تحفة الأشراف : ١٤٣١) ، و مسند احمد (٣/١٤٧، ١٩٢، ٢٢٩، ٢٤٣) (صحیح ) قال الشيخ الألباني : **، الصحيحة (7 ) صحيح وضعيف سنن الترمذي الألباني : حديث نمبر 1382