عبداللہ بن عباس (رض) سے روایت ہے کہ نبی اکرم ﷺ نے فرمایا : مسجدوں میں حدود نہیں قائم کی جائیں گی اور بیٹے کے بدلے باپ کو (قصاص میں) قتل نہیں کیا جائے گا ۔ امام ترمذی کہتے ہیں : اس سند سے اس حدیث کو ہم صرف اسماعیل بن مسلم کی روایت سے مرفوع جانتے ہیں اور اسماعیل بن مسلم مکی کے حفظ کے سلسلے میں بعض اہل علم نے کلام کیا ہے ١ ؎۔ تخریج دارالدعوہ : سنن ابن ماجہ/الحدود ٣١ (٢٥٩٩) ، والدیات ٢٢ (٢٦٦١) ، (تحفة الأشراف : ٥٧٤٠) (حسن ) وضاحت : ١ ؎ : لیکن شواہد کی بنا پر حدیث حسن ہے۔ قال الشيخ الألباني : حسن، ابن ماجة (2599 و 2661) صحيح وضعيف سنن الترمذي الألباني : حديث نمبر 1401