جابر بن سمرہ (رض) کہتے ہیں کہ رسول اللہ ﷺ (ہجرت کے بعد) ابوایوب انصاری (رض) کے گھر ٹھہرے، آپ جب بھی کھانا کھاتے تو اس کا کچھ حصہ ابوایوب انصاری (رض) کے پاس بھیجتے، آپ نے ایک دن (پورا) کھانا (واپس) بھیجا، اس میں سے نبی اکرم ﷺ نے کچھ نہیں کھایا، جب ابوایوب نبی اکرم ﷺ کے پاس آئے اور آپ سے اس کا ذکر کیا تو آپ نے فرمایا : اس میں لہسن ہے ؟ ، انہوں نے پوچھا : اللہ کے رسول ! کیا وہ حرام ہے ؟ آپ نے فرمایا : نہیں، لیکن اس کی بو کی وجہ سے میں اسے ناپسند کرتا ہوں ۔ امام ترمذی کہتے ہیں : یہ حدیث حسن صحیح ہے۔ تخریج دارالدعوہ : تفرد بہ المؤلف (تحفة الأشراف : ١٨٠٧) (صحیح ) قال الشيخ الألباني : صحيح، الإرواء (2511) صحيح وضعيف سنن الترمذي الألباني : حديث نمبر 1807