ابوموسیٰ اشعری (رض) سے روایت ہے کہ نبی اکرم ﷺ نے فرمایا : مردوں میں سے بہت سارے مرد درجہ کمال کو پہنچے ١ ؎ اور عورتوں میں سے صرف مریم بنت عمران اور فرعون کی بیوی آسیہ درجہ کمال کو پہنچیں اور تمام عورتوں پر عائشہ کو اسی طرح فضیلت حاصل ہے جس طرح تمام کھانوں پر ثرید کو ٢ ؎۔ امام ترمذی کہتے ہیں : ١ - یہ حدیث حسن صحیح ہے، ٢ - اس باب میں عائشہ اور انس سے بھی احادیث آئی ہیں۔ تخریج دارالدعوہ : صحیح البخاری/أحادیث الأنبیاء ٣٢ (٣٤١١) ، و ٤٦ (٣٤٣٣) ، وفضائل الصحابة ٣٠ (٣٧٦٩) ، والأطعمة ٢٥ (٥٤١٨) ، صحیح مسلم/فضائل الصحابة ١٢ (٢٤٣١) (صحیح ) وضاحت : ١ ؎ : چناچہ مردوں میں سے انبیاء ، رسل ، علما ، خلفاء ، اور اولیاء ہوئے۔ ٢ ؎ : ثرید : اس کھانے کو کہتے ہیں جس میں گوشت کے ساتھ شوربے میں روٹی ملی ہوئی ہو۔ قال الشيخ الألباني : صحيح، ابن ماجة (3280) صحيح وضعيف سنن الترمذي الألباني : حديث نمبر 1834