ام المؤمنین عائشہ (رض) سے روایت ہے کہ نبی اکرم ﷺ تازہ کھجور کے ساتھ تربوز کھاتے تھے۔ امام ترمذی کہتے ہیں : ١ - یہ حدیث حسن غریب ہے، ٢ - بعض لوگوں نے اسے «عن هشام بن عروة عن أبيه عن النبي صلی اللہ عليه وسلم» کی سند سے مرسل طریقہ سے روایت کی ہے، اس میں عائشہ کے واسطہ کا ذکر نہیں کیا ہے، یزید بن رومان نے اس حدیث کو عروہ کے واسطہ سے عائشہ سے روایت کی ہے، ٣ - اس باب میں انس سے بھی روایت ہے۔ تخریج دارالدعوہ : سنن ابی داود/ الأطعمة ٤٥ (٣٨٣٦) ، (وأخرجہ النسائي في الکبریٰ ) ، (تحفة الأشراف : ١٦٩٠٨) (صحیح ) قال الشيخ الألباني : صحيح، الصحيحة (57) ، مختصر الشمائل (170) صحيح وضعيف سنن الترمذي الألباني : حديث نمبر 1843