ام المؤمنین عائشہ (رض) کہتی ہیں کہ رسول اللہ ﷺ نے فرمایا : جب تم لوگوں میں سے کوئی کھانا کھائے تو «بسم اللہ» پڑھ لے، اگر شروع میں بھول جائے تو یہ کہے «بسم اللہ في أوله وآخره»۔ تخریج دارالدعوہ : سنن ابی داود/ الأطعمة ١٦ (٣٧٦٧) ، سنن النسائی/عمل الیوم واللیلة ١٠٣ (٢٨١) ، سنن ابن ماجہ/الأطعمة ٧ (٣٢٦٤) ، والمؤلف في الشمائل ٢٥ (تحفة الأشراف : ١٧٩٨٨) ، و مسند احمد (٦/١٤٣) ، سنن الدارمی/الأطعمة ١ (٢٠٦٣) (صحیح ) قال الشيخ الألباني : ** صحيح وضعيف سنن الترمذي الألباني : حديث نمبر 1858 اسی سند سے عائشہ (رض) سے مروی ہے کہ نبی اکرم ﷺ چھ صحابہ کے ساتھ کھانا کھا رہے تھے، اچانک ایک اعرابی آیا اور دو لقمہ میں پورا کھانا کھالیا، رسول اللہ ﷺ نے فرمایا : اگر اس نے «بسم اللہ» پڑھ لی ہوتی تو یہ کھانا تم سب کے لیے کافی ہوتا ۔ امام ترمذی کہتے ہیں : یہ حدیث حسن صحیح ہے۔ تخریج دارالدعوہ : تفرد بہ المؤلف وانظر ما قبلہ (صحیح ) قال الشيخ الألباني : ** صحيح وضعيف سنن الترمذي الألباني : حديث نمبر 1858