عبداللہ بن عباس (رض) کہتے ہیں کہ اللہ کے رسول حسن اور حسین (رض) پر یہ کلمات پڑھ کر جھاڑ پھونک کرتے تھے : «أعيذكما بکلمات اللہ التامة من کل شيطان وهامة ومن کل عين لامة» میں تمہارے لیے اللہ کے مکمل اور پورے کلمات کے وسیلے سے ہر شیطان اور ہلاک کرنے والے زہریلے کیڑے اور نظر بد سے پناہ مانگتا ہوں ، اور آپ فرماتے تھے : اسماعیل اور اسحاق کے لیے اسی طرح ابراہیم (علیہم السلام) پناہ مانگتے تھے ۔ تخریج دارالدعوہ : صحیح البخاری/احادیث الأنبیاء ١٠ (٣٦٦٩) ، سنن ابی داود/ السنة ٢٢ (٤٧٣٧) ، سنن ابن ماجہ/الطب ٣٦ (٣٥٢٥) (صحیح ) قال الشيخ الألباني : صحيح، ابن ماجة (3525) صحيح وضعيف سنن الترمذي الألباني : حديث نمبر 2060