عبداللہ بن عباس (رض) سے روایت ہے کہ نبی اکرم ﷺ نے فرمایا : جو مسلمان بندہ کسی ایسے مریض کی عیادت کرے جس کی موت کا ابھی وقت نہ ہوا ہو اور سات بار یہ دعا پڑھے «أسأل اللہ العظيم رب العرش العظيم أن يشفيك» میں عظمت والے اللہ اور عظیم عرش کے مالک سے دعا کرتا ہوں کہ وہ تمہیں اچھا کر دے تو ضرور اس کی شفاء ہوجاتی ہے ۔ امام ترمذی کہتے ہیں : ١ - یہ حدیث حسن غریب ہے، ٢ - ہم اسے صرف منہال بن عمرو کی روایت سے جانتے ہیں۔ تخریج دارالدعوہ : سنن ابی داود/ الجنائز ١٢ (٣١٠٦) (تحفة الأشراف : ٥٦٢٨) ، و مسند احمد (١/٢٣٩) (صحیح ) قال الشيخ الألباني : صحيح، المشکاة (1553) ، الکلم الطيب (149) صحيح وضعيف سنن الترمذي الألباني : حديث نمبر 2083