ام المؤمنین عائشہ (رض) سے روایت ہے کہ نبی اکرم ﷺ کا ایک آزاد کردہ غلام کھجور کی ٹہنی سے گرا اور مرگیا، نبی اکرم ﷺ نے فرمایا : دیکھو، کیا اس کا کوئی وارث ہے ؟ صحابہ نے عرض کیا : نہیں، آپ نے فرمایا : اس کا مال اس کے گاؤں کے کچھ لوگوں کو دے دو ۔ امام ترمذی کہتے ہیں : یہ حدیث حسن ہے۔ تخریج دارالدعوہ : سنن ابی داود/ الفرائض ٨ (٢٩٠٢) ، سنن ابن ماجہ/الفرائض ٧ (٢٧٣٣) (تحفة الأشراف : ١٦٣٨١) ، و مسند احمد (٦/١٣٧، ١٨١ (صحیح ) قال الشيخ الألباني : صحيح، ابن ماجة (2733) صحيح وضعيف سنن الترمذي الألباني : حديث نمبر 2105