انس بن مالک (رض) سے روایت ہے کہ رسول اللہ ﷺ نے فرمایا : قیامت سے پہلے سخت تاریک رات کی طرح فتنے (ظاہر) ہوں گے، جن میں آدمی صبح کو مومن ہوگا اور شام میں کافر ہوجائے گا، شام میں مومن ہوگا اور صبح کو کافر ہوجائے گا، دنیاوی ساز و سامان کے بدلے کچھ لوگ اپنا دین بیچ دیں گے ۔ امام ترمذی کہتے ہیں : ١ - یہ حدیث اس سند سے غریب ہے، ٢ - اس باب میں ابوہریرہ، جندب، نعمان بن بشیر اور ابوموسیٰ اشعری (رض) سے بھی احادیث آئی ہیں۔ تخریج دارالدعوہ : تفرد بہ الموٌلف (تحفة الأشراف : ٨٥٠) (حسن صحیح ) قال الشيخ الألباني : حسن صحيح، الصحيحة (758 و 810 ) صحيح وضعيف سنن الترمذي الألباني : حديث نمبر 2197