عوف بن مالک اشجعی (رض) کہتے ہیں کہ رسول اللہ ﷺ نے فرمایا : میرے رب کی طرف سے ایک آنے والا (جبرائیل علیہ السلام) میرے پاس آیا اور مجھے اختیار دیا کہ میری آدھی امت جنت میں داخل ہو یا یہ کہ مجھے شفاعت کا حق حاصل ہو، چناچہ میں نے شفاعت کو اختیار کیا، یہ شفاعت ہر اس شخص کے لیے ہے جس کا خاتمہ شرک کی حالت پر نہیں ہوگا ۔ امام ترمذی کہتے ہیں : ١ - یہ حدیث ابوملیح نے ایک اور صحابی سے روایت کی ہے اور انہوں نے نبی اکرم ﷺ سے روایت کی ہے، (لیکن) اس میں عوف بن مالک کا ذکر نہیں کیا، اس حدیث میں ایک طویل قصہ مذکور ہے۔ تخریج دارالدعوہ : تفرد بہ المؤلف (تحفة الأشراف : ١٠٩٢٠) (صحیح ) قال الشيخ الألباني : صحيح، ابن ماجة (4317) صحيح وضعيف سنن الترمذي الألباني : حديث نمبر 2441 اس سند سے بھی عوف بن مالک (رض) سے اسی جیسی حدیث مروی ہے (اسی میں قصہ ہے) ۔ تخریج دارالدعوہ : تفرد بہ المؤلف (تحفة الأشراف : ١٠٩٢٠) (صحیح ) قال الشيخ الألباني : صحيح، ابن ماجة (4317) صحيح وضعيف سنن الترمذي الألباني : حديث نمبر 2441