ابو سعید خدری (رض) سے روایت ہے کہ نبی اکرم ﷺ نے فرمایا : قیامت کے دن جنت میں داخل ہونے والے پہلے گروہ کے چہرے کی روشنی چودہویں کے چاند کی روشنی کی طرح ہوگی اور دوسرا گروہ آسمان کے روشن اور سب سے خوبصورت ستارے کی طرح ہوگا، ان میں سے ہر آدمی کے لیے دو دو بیویاں ہوں گی اور ہر بیوی کے جسم پر ستر جوڑے کپڑے ہوں گے اور ان کے پنڈلی کا گودا ان کے کپڑوں کے باہر سے نظر آئے گا ۔ امام ترمذی کہتے ہیں : یہ حدیث حسن صحیح ہے۔ تخریج دارالدعوہ : انظر حدیث رقم ٢٥٢٢ (صحیح) (سند میں عطیہ عوفی ضعیف راوی ہیں، لیکن متابعات و شواہد کی بنا پر یہ حدیث صحیح لغیرہ ہے، دیکھیے : الصحیحة رقم : ١٧٣٦ ) قال الشيخ الألباني : صحيح، الصحيحة (1736) ، المشکاة (5635 / التحقيق الثانی) ، التعليق الرغيب (261) صحيح وضعيف سنن الترمذي الألباني : حديث نمبر 2535