یحییٰ بن موسیٰ کا بیان ہے کہ ہم سے محمد بن ابی معشر نے بھی اسی کے مثل بیان کیا ہے۔ امام ترمذی کہتے ہیں : ١- ابوہریرہ کی حدیث ان سے اور بھی کئی سندوں سے مروی ہے، ٢- بعض اہل علم نے ابومعشر کے حفظ کے تعلق سے کلام کیا ہے۔ ان کا نام نجیح ہے، وہ بنی ہاشم کے مولیٰ ہیں، ٣- محمد بن اسماعیل بخاری کہتے ہیں : میں ان سے کوئی روایت نہیں کرتا حالانکہ لوگوں نے ان سے روایت کی ہے نیز بخاری کہتے ہیں کہ عبداللہ بن جعفر مخرمی کی حدیث جسے انہوں نے بسند «عثمان بن محمد اخنسی عن سعید المقبری عن أبی ہریرہ» روایت کی ہے، ابومعشر کی حدیث سے زیادہ قوی اور زیادہ صحیح ہے (یہ حدیث آگے آرہی ہے جو اسی معنی کی ہے) ۔ تخریج دارالدعوہ : انظر ماقبلہ (صحیح) صحيح وضعيف سنن الترمذي الألباني : حديث نمبر 343