ابوبکر صدیق (رض) سے روایت ہے کہ رسول اللہ ﷺ جب کسی کام کا ارادہ کرتے تو یہ دعا فرماتے : «اللهم خر لي واختر لي» اے اللہ ! میرے لیے بہتر کا انتخاب فرما اور میرے لیے بہتر پسند فرما ۔ امام ترمذی کہتے ہیں : ١- یہ حدیث غریب ہے ٢- اور ہم اسے زنفل کی روایت کے سوا اور کسی سند سے نہیں جانتے، اور یہ محدثین کے نزدیک ضعیف ہیں، اور انہیں زنفل بن عبداللہ عرفی بھی کہتے ہیں، وہ عرفات میں رہتے تھے، وہ اس حدیث میں منفرد ہیں، یعنی یہ روایت صرف انہوں نے ہی بیان کی ہے (کسی اور نے نہیں) اور کسی نے بھی ان کی متابعت نہیں کی ہے۔ تخریج دارالدعوہ : تفرد بہ المؤلف ( تحفة الأشراف : ٦٦٣٨) (ضعیف) (سند میں ” زنفل “ ضعیف ہیں) قال الشيخ الألباني : ضعيف، الضعيفة (1515) // ضعيف الجامع الصغير (4330) // صحيح وضعيف سنن الترمذي الألباني : حديث نمبر 3516