عقبہ بن عامر (رض) کہتے ہیں کہ رسول اللہ ﷺ نے فرمایا : اگر میرے بعد کوئی نبی ہوتا تو وہ عمر بن خطاب ہوتے ١ ؎۔ امام ترمذی کہتے ہیں : یہ حدیث حسن غریب ہے، ہم اسے صرف مشرح بن ہاعان کی روایت سے جانتے ہیں۔ تخریج دارالدعوہ : تفرد بہ المؤلف ( تحفة الأشراف : ٩٩٦٦) ، و مسند احمد (٤/١٥٤) (حسن) وضاحت : ١ ؎ : اس حدیث سے جہاں یہ ثابت ہوتا ہے کہ عمر (رض) نہایت فہم و فراست اور الٰہی الہام سے بہرہ ور ہیں وہاں یہ بھی ثابت ہوتا ہے کہ نبی مصطفیٰ ﷺ کے بعد کوئی نبی نہیں ہوگا ، ورنہ کسی اور سے پہلے عمر ہی ہوتے۔ قال الشيخ الألباني : حسن، الصحيحة (327) صحيح وضعيف سنن الترمذي الألباني : حديث نمبر 3686