عبداللہ بن عمر (رض) کہتے ہیں کہ رسول اللہ ﷺ نے فرمایا : میں پہلا وہ شخص ہوں گا جس سے زمین شق ہوگی، پھر ابوبکر، پھر عمر (رض)، (سے زمین شق ہوگی) پھر میں بقیع والوں کے پاس آؤں گا تو وہ میرے ساتھ اٹھائے جائیں گے، پھر میں مکہ والوں کا انتظار کروں گا یہاں تک کہ میرا حشر حرمین کے درمیان ہوگا ۔ امام ترمذی کہتے ہیں : ١- یہ حدیث حسن غریب ہے، ٢- اور عاصم بن عمر محدثین کے نزدیک حافظ نہیں ہیں۔ تخریج دارالدعوہ : تفرد بہ المؤلف ( تحفة الأشراف : ٧٢٠٠) (ضعیف) (سند میں عاصم العمری ضعیف راوی ہیں) قال الشيخ الألباني : ضعيف، الضعيفة (2949) // ضعيف الجامع الصغير (1310) // صحيح وضعيف سنن الترمذي الألباني : حديث نمبر 3692