جابر بن عبداللہ (رض) سے روایت ہے کہ نبی اکرم ﷺ نے علی (رض) سے فرمایا : تم میرے لیے ایسے ہی ہو جیسے ہارون موسیٰ کے لیے تھے، البتہ اتنی بات ضرور ہے کہ میرے بعد کوئی نبی نہیں ۔ (اور ہارون (علیہ السلام) اللہ کے نبی تھے) ۔ امام ترمذی کہتے ہیں : ١- یہ حدیث اس سند سے حسن غریب ہے، ٢- اس باب میں سعد، زید بن ارقم، ابوہریرہ اور ام سلمہ (رض) سے احادیث آئی ہیں۔ تخریج دارالدعوہ : تفرد بہ المؤلف ( تحفة الأشراف : ٢٣٧٠) (صحیح) (سند میں شریک القاضی ضعیف الحفظ ہیں، مگر سعد بن ابی وقاص (رض) کی حدیث (٣٧٢٤) سے تقویت پا کر یہ حدیث بھی صحیح ہے) قال الشيخ الألباني : صحيح بما قبله (3729) صحيح وضعيف سنن الترمذي الألباني : حديث نمبر 3730