علی (رض) کہتے ہیں کہ رسول اللہ ﷺ نے فرمایا : ہر نبی کے حواری ہوتے ہیں ١ ؎ اور میرے حواری زبیر بن عوام ہیں ۔ امام ترمذی کہتے ہیں : ١- یہ حدیث حسن صحیح ہے، ٢- اور حواری مددگار کو کہا جاتا ہے، میں نے ابن ابی عمر کو کہتے ہوئے سنا کہ سفیان بن عیینہ نے کہا ہے کہ حواری کے معنی مددگار کے ہیں۔ تخریج دارالدعوہ : تفرد بہ المؤلف ( تحفة الأشراف : ١٠٠٩٦) (صحیح) (یہ سند حسن ہے، اور یہ حدیث جابر (رض) سے متفق علیہ مروی ہے، ملاحظہ ہو : ابن ماجہ ١٢٢) وضاحت : ١ ؎ : یوں تو سبھی صحابہ کرام آپ ﷺ کے مددگار تھے ، مگر زبیر (رض) میں یہ خصوصیت بدرجہ اتم تھی ، اس لیے خاص طور سے آپ نے اس کا تذکرہ کیا اور اس کا ایک خاص پس منظر ہے جس کا بیان اگلی حدیث میں آ رہا ہے۔ قال الشيخ الألباني : حسن صحيح، ابن ماجة (122) صحيح وضعيف سنن الترمذي الألباني : حديث نمبر 3744