علی (رض) کہتے ہیں کہ رسول اللہ ﷺ نے فرمایا : اگر میں بغیر مشورہ کے ان میں سے کسی کو امیر بناتا تو ام عبد کے بیٹے (عبداللہ بن مسعود) کو امیر بناتا ۔ امام ترمذی کہتے ہیں : یہ حدیث غریب ہے، ہم اسے صرف حارث کی روایت سے جانتے ہیں جسے وہ علی (رض) سے روایت کرتے ہیں۔ تخریج دارالدعوہ : سنن ابن ماجہ/المدقمة ١١ (١٣٧) (تحفة الأشراف : ١٠٠٤٥) (ضعیف) (سند میں ” حارث اعور “ ضعیف اور ابواسحاق سبیعی مدلس اور مختلط راوی ہیں، اور روایت عنعنہ سے ہے) قال الشيخ الألباني : ضعيف، ابن ماجة (137) // ضعيف سنن ابن ماجة (24) ، المشکاة (6222) ، ضعيف الجامع الصغير (4844) // صحيح وضعيف سنن الترمذي الألباني : حديث نمبر 3808