سلمان بن عامر (رض) سے روایت ہے کہ نبی اکرم ﷺ نے فرمایا : جب تم میں سے کوئی روزہ افطار کرے تو کھجور سے افطار کرے، کیونکہ اس میں برکت ہے، اگر کھجور میسر نہ ہو تو پانی سے افطار کرے وہ نہایت پاکیزہ چیز ہے ، نیز فرمایا : مسکین پر صدقہ، صرف صدقہ ہے اور رشتے دار پر صدقہ میں دو بھلائیاں ہیں، یہ صدقہ بھی ہے اور صلہ رحمی بھی ۔ امام ترمذی کہتے ہیں : ١- سلمان بن عامر کی حدیث حسن ہے، ٢- سفیان ثوری نے بھی عاصم سے بطریق : «حفصة بنت سيرين، عن الرباب، عن سلمان بن عامر، عن النبي صلی اللہ عليه وسلم» اسی حدیث کی طرح روایت کی ہے، ٣- نیز شعبہ نے بطریق : «عاصم، عن حفصة، عن سلمان بن عامر» روایت کی ہے اور اس میں انہوں نے رباب کا ذکر نہیں کیا ہے، ٤- سفیان ثوری اور ابن عیینہ کی حدیث ١ ؎ زیادہ صحیح ہے، ٥- اسی طرح ابن عون اور ہشام بن حسان نے بھی بطریق : «حفصة، عن الرباب، عن سلمان بن عامر» روایت کی ہے، ٦- اس باب میں عبداللہ بن مسعود (رض) کی اہلیہ زینب، جابر اور ابوہریرہ (رض) سے بھی احادیث آئی ہیں۔ تخریج دارالدعوہ : سنن ابی داود/ الصوم ٢١ (٢٣٥٥) ، (بالشطر الأول فحسب) ، سنن النسائی/الزکاة ٨٢ (٢٥٨٣) ، (بالشطر الثانی فحسب) ، سنن ابن ماجہ/الصیام ٢٥ (١٦٩٩) ، (بالشطر الأول) ، والزکاة ٢٨ (١٨٤٤) ، (بالشطر الثانی) ، ( تحفة الأشراف : ٤٤٨٦) ، مسند احمد (٤/١٨، ٢١٤) ، سنن الدارمی/الزکاة ٣٨ (١٧٢٣) ، (بالشطر الثانی) نیز دیکھئے رقم : ٦٩٥ پہلا فقرہ صیام سے متعلق (ضعیف) ہے، سند میں رباب، أم الرائح لین الحدیث ہیں، اور صدقہ سے متعلق دوسرا فقرہ صحیح ہے، تراجع الالبانی ١٣٢، والسراج المنیر ١٨٧٣، ١٨٧٤) وضاحت : ١ ؎ : جس میں رباب کے واسطے کا ذکر ہے۔ قال الشيخ الألباني : (جملة إذا أفطر ... ) ضعيف، والصحيح من فعله صلی اللہ عليه وسلم، (جملة الصدقة علی .... ) صحيح (جملة إذا أفطر ... ) ، ابن ماجة (1699) ، (جملة الصدقة علی ... ) ، ابن ماجة (1844) // عندنا برقم (1494) // صحيح وضعيف سنن الترمذي الألباني : حديث نمبر 658