ابوذر (رض) کہتے ہیں کہ رسول اللہ ﷺ نے فرمایا : ابوذر ! جب تم ہر ماہ کے تین دن کے روزے رکھو تو تیرہویں، چودہویں اور پندرہویں تاریخ کو رکھو ۔ امام ترمذی کہتے ہیں : ١- ابوذر (رض) کی حدیث حسن ہے، ٢- اس باب میں ابوقتادہ، عبداللہ بن عمرو، قرہ بن ایاس مزنی، عبداللہ بن مسعود، ابوعقرب، ابن عباس، عائشہ، قتادہ بن ملحان، عثمان بن ابی العاص اور جریر (رض) سے بھی احادیث آئی ہیں، ٣- بعض احادیث میں یہ بھی ہے کہ جس نے ہر ماہ تین دن کے روزے رکھے تو وہ اس شخص کی طرح ہے جس نے صوم الدھر رکھا ۔ تخریج دارالدعوہ : سنن النسائی/الصیام ٨٤ (٢٤٢٥) ، ( تحفة الأشراف : ١١٩٨٨) (حسن صحیح) وأخرجہ : سنن النسائی/الصیام (المصدر المذکور (برقم : ٢٤٢٤-٢٤٣١) ، مسند احمد (٥/١٥، ٥٢، ١٧٧) من غیر ہذا الطریق وبسیاق آخر۔ قال الشيخ الألباني : حسن صحيح، الإرواء (947) ، ( ، المشکاة / التحقيق الثاني 2057) صحيح وضعيف سنن الترمذي الألباني : حديث نمبر 761