زر بن حبیش کہتے ہیں کہ میں نے ابی بن کعب (رض) سے پوچھا : ابوالمنذر ! آپ کو کیسے معلوم ہوا کہ یہ ستائیسویں رات ہے ؟ تو انہوں نے کہا : کیوں نہیں، ہمیں رسول اللہ ﷺ نے خبر دی ہے کہ یہ ایک ایسی رات ہے جس کی صبح جب سورج نکلے گا تو اس میں شعاع نہیں ہوگی، تو ہم نے گنتی کی اور ہم نے یاد رکھا، (زرّ کہتے ہیں) اللہ کی قسم ! ابن مسعود کو بھی معلوم ہے کہ وہ رمضان میں ہے اور وہ ستائیسویں رات ہے۔ لیکن وہ یہ ناپسند کرتے ہیں کہ تمہیں (اسے مسلمانو ! ) بتادیں اور تم تکیہ کر کے بیٹھ جاؤ۔ امام ترمذی کہتے ہیں : یہ حدیث حسن صحیح ہے۔ تخریج دارالدعوہ : صحیح مسلم/المسافرین ٢٥ (٧٦٢) ، سنن ابی داود/ الصلاة ٣١٩ (١٣٧٨) (تحفة الأشراف : ١٨) ، مسند احمد (٥/١٣٠، ١٣١) (صحیح) قال الشيخ الألباني : صحيح، صحيح أبي داود (1247) صحيح وضعيف سنن الترمذي الألباني : حديث نمبر 793