محمد بن مثنی، محمد بن بشار، ابن مثنی، محمد بن جعفر، شعبہ، سماک بن حرب، حضرت جابر (رض) بن سمرہ سے روایت ہے کہ رسول اللہ ﷺ نے ابن دحداح پر نماز جنازہ ادا کی پھر آپ ﷺ کے پاس ننگی پیٹھ والا گھوڑا لایا گیا اس کو ایک آدمی نے پکڑا اور آپ ﷺ اس پر سوار ہوئے اس نے کودنا شروع کردیا ہم آپ ﷺ کے پیچھے دوڑتے ہوئے آرہے تھے قوم میں سے ایک آدمی نے کہا کہ نبی ﷺ نے فرمایا ابن دحداح کے لئے جنت میں کتنے خوشے لٹکنے والے ہیں۔