قتیبہ بن سعید، ابوبکر بن ابی شیبہ، زہیر بن حرب، ابن عیینہ، زہیر، سفیان بن عیینہ، صالح بن کیسان، حضرت سلیمان بن یسار (رض) سے روایت ہے فرماتے ہیں کہ حضرت ابورافع (رض) نے فرمایا کہ رسول اللہ ﷺ نے ہمیں وادی ابطح میں اترنے کا حکم نہیں فرمایا جس وقت کہ آپ ﷺ منٰی سے نکلے لیکن میں آیا اور میں نے اس جگہ میں خیمہ لگایا تو آپ ﷺ آئے اور وہاں اترے اور ایک روایت میں حضرت ابورافع کے بارے میں ہے کہ وہ نبی ﷺ کے سامان پر تھے۔