ابن مثنی و ابن بشار، محمد بن جعفر، شعبہ، قتادہ، حضرت یونس بن جبیر سے روایت ہے کہ ابن عمر (رض) کو فرماتے ہوئے سنا کہ میں نے اپنی بیوی کو حالت حیض میں طلاق دے دی حضرت عمر (رض) نبی کریم ﷺ کی خدمت میں حاضر ہوئے اور آپ ﷺ سے اس کا ذکر کیا تو نبی کریم ﷺ نے فرمایا چاہئے کہ اس سے رجوع کرے جب پاک ہوجائے اگر چاہے تو اسے طلاق دیدے میں نے ابن عمر (رض) سے کہا کیا آپ ﷺ نے اس طلاق کو شمار بھی کیا ؟ تو انہوں نے کہا اس میں کیا مانع موجود ہے ؟ کیا تم ابن عمر کو عاجز یا احمق خیال کرتے ہو۔