عمرو ناقد ابن ابی عمر ابن عیینہ سفیان بن عیینہ، ابراہیم بن میسرہ عمرو بن شرید حضرت عمرو بن شرید (رض) اپنے والد سے روایت کرتے ہیں کہ ایک دن میں رسول اللہ ﷺ کے پیچھے سوار ہوا تو آپ ﷺ نے فرمایا تجھے امیہ بن ابی صلت کے اشعار میں سے کچھ آتے ہیں میں نے عرض کیا جی ہاں آپ ﷺ نے فرمایا سناؤ میں نے ایک شعر سنایا آپ ﷺ نے فرمایا اور سناؤ پھر میں نے ایک اور شعر سنایا آپ ﷺ نے فرمایا مزید سناؤ یہاں تک کہ میں نے سو شعر سنائے۔