محمد بن بکار بن ریان اسماعیل بن زکریا، عاصم، احول، حضرت ابن سیرین (رض) فرماتے ہیں کہ میں نے حضرت انس بن مالک (رض) سے پوچھا کہ کیا رسول اللہ ﷺ نے خضاب لگایا ہے تو انہوں نے فرمایا آپ ﷺ خضاب کے درجے کو پہنچے ہی نہیں آپ ﷺ کی داڑھی مبارک میں صرف چند بال سفید تھے حضرت ابن سیرین کہتے ہیں کہ میں نے پھر حضرت انس (رض) سے پوچھا کہ کیا حضرت ابوبکر (رض) خضاب لگاتے تھے تو انہوں نے فرمایا ہاں مہندی اور وسمہ کے ساتھ۔