محمد بن رافع عبدالرزاق، معمر، ہمام بن منبہ، ابوہریرہ (رض) سے روایت ہے کہ رسول اللہ ﷺ نے فرمایا میں دنیا اور آخرت میں سب لوگوں سے زیادہ حضرت عیسیٰ بن مریم (علیہ السلام) کے قریب ہوں صحابہ کرام (رض) نے عرض کی اے اللہ کے رسول ﷺ وہ کیسے ؟ آپ نے فرمایا تمام انبیاء کرام (علیہم السلام) علاتی بھائی ہیں ان کی مائیں علیحدہ علیحدہ ہیں اور ان سب کا دین ایک ہی ہے اور ہمارے (یعنی میرے اور عیسیٰ (علیہ السلام) کے) درمیان کوئی نبی نہیں ہے۔