محمود بن غیلان ابواحمد فضل بن موسیٰ سیانی طلحہ بن یحییٰ بن طلحہ ام المومنین سیدہ عائشہ (رض) فرماتی ہیں کہ رسول اللہ ﷺ نے فرمایا کہ تم میں سے سب سے پہلے مجھ سے وہ ملے گی کہ جس کے ہاتھ سب سے زیادہ لمبے ہوں گے تو ساری ازواج مطہرات (رض) اپنے اپنے ہاتھ ناپنے لگیں تاکہ پتہ چلے کہ کس کے ہاتھ لمبے ہیں سیدہ عائشہ (رض) فرماتی ہیں کہ ہم سب میں سے زیادہ لمبے ہاتھ حضرت زینب (رض) کے تھے کیونکہ وہ اپنے ہاتھ سے محنت کرتی اور صدقہ خیرات دیتی تھیں۔