زہیر بن حرب، اسماعیل ابن علیہ، حضرت عبدالعزیز (رض) سے روایت ہے کہ قتادہ نے حضرت انس (رض) سے پوچھا کہ نبی ﷺ اکثر اوقات کونسی دعا مانگا کرتے تھے ؟ انہوں نے کہا آپ ﷺ کی اکثر دعا جو آپ ﷺ مانگتے تھے وہ یہ تھی کہ اے اللہ ہمیں دنیا میں بھلائی عطا فرما اور آخرت میں بھی بھلائی عطا فرمایا اور ہمیں جہنم کے عذاب سے بچا اور حضرت انس (رض) جب بھی کوئی دعا مانگتے تو ان الفاظ سے دعا کرتے اور جب کوئی اور دعا مانگنے کا ارادہ کرتے تو اس میں یہ دعا بھی مانگتے تھے۔