حجاج بن شاعر، سلیمان بن حرب، حماد ابن زید، معبد بن ہلال، حضرت انس بن مالک (رض) روایت ہے کہ ایک آدمی نے نبی ﷺ سے پوچھا قیامت کب قائم ہوگی رسول اللہ ﷺ تھوڑی دیر کے لئے خاموش ہوگئے پھر اپنے سامنے موجود قبیلہ ازد شنوء کے ایک لڑکے کی طرف دیکھا تو فرمایا اگر اس لڑکے کو عمر دی گئی تو اسے بڑھاپا نہیں آئے گا یہاں تک کہ قیامت قائم ہوجائے گی حضرت انس (رض) نے کہا وہ لڑکا ان دنوں میرے ہم عمر لڑکوں میں سے تھا۔