علی (رض) کہتے ہیں کہ رسول اللہ ﷺ نے فیصلہ کیا : حقیقی بھائی وارث ہوں گے نہ کہ علاتی بھائی ۔ امام ترمذی کہتے ہیں : ١ - ہم اس حدیث کو صرف ابواسحاق کی روایت سے جانتے ہیں، ابواسحاق سبیعی روایت کرتے ہیں حارث سے اور حارث، علی (رض) سے، ٢ - بعض اہل علم نے حارث کے بارے میں کلام کیا ہے، ٣ - عام اہل علم کا اسی حدیث پر عمل ہے۔ تخریج دارالدعوہ : سنن ابن ماجہ/الوصایا ٧ (٢٧١٥) (زیادةً علی الحدیث المذکور) و في الفرائض ١٠ (٢٧٣٩) (حسن ) قال الشيخ الألباني : حسن انظر ما قبله (2094) صحيح وضعيف سنن الترمذي الألباني : حديث نمبر 2095