عبداللہ بن عباس (رض) کہتے ہیں کہ رسول اللہ ﷺ حسین بن علی (رض) کو اپنے کندھے پر اٹھائے ہوئے تھے تو ایک شخص نے کہا : بیٹے ! کیا ہی اچھی سواری ہے جس پر تو سوار ہے، تو نبی اکرم ﷺ نے فرمایا : اور سوار بھی کیا ہی اچھا ہے ۔ امام ترمذی کہتے ہیں : ١- یہ حدیث حسن غریب ہے، ہم اسے صرف اسی سند سے جانتے ہیں، ٢- زمعہ بن صالح کی بعض محدثین نے ان کے حفظ کے تعلق سے تضعیف کی ہے۔ تخریج دارالدعوہ : تفرد بہ المؤلف ( تحفة الأشراف : ٦٠٩٦) (ضعیف) (سند میں زمعہ بن صالح ضعیف راوی ہیں) قال الشيخ الألباني : ضعيف، المشکاة (6163) صحيح وضعيف سنن الترمذي الألباني : حديث نمبر 3784