عبداللہ بن عباس (رض) کہتے ہیں کہ رسول اللہ ﷺ نے فرمایا : ایک سر زمین پر دو قبلے ہونا درست نہیں ١ ؎ اور نہ ہی مسلمانوں پر جزیہ درست ہے ٢ ؎۔ تخریج دارالدعوہ : سنن ابی داود/ الخراج ٢٨ (٣٠٣٢) ، ( تحفة الأشراف : ٥٣٩٩) ، مسند احمد (١/٢٨٥) (ضعیف) (سند میں قابوس ضعیف ہیں) وضاحت : ١ ؎ : ایک سر زمین پر دو قبلے کا ہونا درست نہیں کا مطلب یہ ہے کہ ایک سر زمین پر دو دین والے بطور برابری کے نہیں رہ سکتے کوئی حاکم ہوگا کوئی محکوم۔ ٢ ؎ : نہ ہی مسلمانوں پر جزیہ درست ہے کا مطلب یہ ہے کہ ذمیوں میں سے کوئی ذمی اگر جزیہ کی ادائیگی سے پہلے مسلمان ہوگیا ہو تو اس سے جزیہ کا مطالبہ نہیں کیا جائے گا۔ قال الشيخ الألباني : ضعيف، الإرواء (1244) // 1257 //، الضعيفة (4379) // ضعيف الجامع الصغير (6239) ، ضعيف أبي داود (655 / 3032) نحوه // صحيح وضعيف سنن الترمذي الألباني : حديث نمبر 633