اس سند سے بھی قابوس سے اسی طرح مروی ہے۔ امام ترمذی کہتے ہیں : ١- ابن عباس کی حدیث قابوس بن ابی ظبیان سے مروی ہے جسے انہوں نے اپنے والد سے اور ان کے والد نے نبی اکرم ﷺ سے مرسلاً روایت کی ہے، ٢- اس باب میں سعید بن زید اور حرب بن عبیداللہ ثقفی کے دادا سے بھی احادیث آئی ہیں، ٣- اہل علم کا عمل اسی پر ہے کہ نصرانی جب اسلام قبول کرلے تو اس کی اپنی گردن کا جزیہ معاف کردیا جائے گا، اور نبی اکرم ﷺ کے فرمان «ليس علی المسلمين عشور» مسلمانوں پر عشر نہیں ہے کا مطلب بھی گردن کا جزیہ ہے، اور حدیث میں بھی اس کی وضاحت کردی گئی ہے جیسا کہ آپ نے فرمایا : عشر صرف یہود و نصاریٰ پر ہے، مسلمانوں پر کوئی عشر نہیں ١ ؎۔ تخریج دارالدعوہ : انظر ما قبلہ (ضعیف) وضاحت : ا ؎ : یہ حدیث سنن ابی داود میں ہے اس حدیث کا تشریح المرقاۃ شرح المشکاۃ اور عون المعبود میں دیکھ لیں ، کچھ وضاحت اس مقام پر تحفۃ الأحوذی میں بھی آ گئی ہے ، اور عشر سے مراد ٹیکس ہے۔ قال الشيخ الألباني : // ضعيف الجامع الصغير (2050) ، المشکاة (4039) ، ضعيف أبي داود برقم (660 / 2046) ، يرويه الجميع عن حرب بن عبيد الله، عن جده أبي أمه، عن أبيه // صحيح وضعيف سنن الترمذي الألباني : حديث نمبر 634