ابو سعید خدری (رض) کہتے ہیں کہ رسول اللہ ﷺ کے زمانے میں ایک شخص ١ ؎ کے پھلوں میں جو اس نے خریدے تھے، کسی آفت کی وجہ سے جو اسے لاحق ہوئی نقصان ہوگیا اور اس پر قرض زیادہ ہوگیا، تو رسول اللہ ﷺ نے فرمایا : اسے صدقہ دو چناچہ لوگوں نے اسے صدقہ دیا، مگر وہ اس کے قرض کی مقدار کو نہ پہنچا، تو رسول اللہ ﷺ نے اس کے قرض خواہوں سے فرمایا : جتنا مل رہا ہے لے لو، اس کے علاوہ تمہارے لیے کچھ نہیں ۔ امام ترمذی کہتے ہیں : ١- ابوسعید کی حدیث حسن صحیح ہے، ٢- اس باب میں عائشہ، جویریہ اور انس (رض) سے بھی احادیث آئی ہیں۔ تخریج دارالدعوہ : صحیح مسلم/المساقاة (١٥٥٦) ، سنن ابی داود/ البیوع ٦٠ (٣٤٦٩) ، سنن النسائی/البیوع ٣٠ (٤٥٣٤) ، و ٩٤ (٤٦٨٢) ، سنن ابن ماجہ/الأحکام ٢٥ (٢٣٥٦) ، ( تحفة الأشراف : ٤٢٧٠) ، مسند احمد (٣/٣٦) (صحیح) وضاحت : ١ ؎ : ایک قول یہ ہے کہ اس سے مراد معاذ بن جبل (رض) ہیں۔ قال الشيخ الألباني : صحيح، ابن ماجة (2356) صحيح وضعيف سنن الترمذي الألباني : حديث نمبر 655