ابوہریرہ (رض) کہتے ہیں کہ رسول اللہ ﷺ نے فرمایا : جو اس پودے یعنی لہسن کو کھائے، وہ ہماری مسجد میں آ کر ہمیں تکلیف نہ پہنچائے ۔ ابراہیم کہتے ہیں : میرے والد سعد ابوہریرہ (رض) کی اس حدیث میں گندنا (کراث ) ١ ؎ اور پیاز کا اضافہ کرتے تھے اور اسے بھی نبی اکرم ﷺ سے نقل کرتے تھے۔ تخریج دارالدعوہ : تفرد بہ ابن ماجہ، (تحفة الأشراف : ١٣١١١) ، وقد أخرجہ : صحیح مسلم/المساجد ١٧ (٥٦٣) ، مسند احمد (٢/٢٦٤، ٢٦٦) (صحیح ) وضاحت : ١ ؎: گندنا (کراث): ایک تیز بو والی سبزی جس کی بعض قسمیں پیاز اور لہسن کے مشابہ ہوتی ہیں، اسی قسم کی ایک سبزی کر اث مصری و کر اث شامی کہلاتی ہے۔