عامر بن ربیعہ (رض) کہتے ہیں کہ ہم رسول اللہ ﷺ کے ساتھ ایک سفر میں تھے، آسمان پر بادل چھا گئے اور قبلہ کی سمت ہم پر مشتبہ ہوگئی، آخر ہم نے (اپنے ظن غالب کی بنیاد پر) نماز پڑھ لی، اور اس سمت ایک نشان رکھ دیا، جب سورج نکلا تو معلوم ہوا کہ ہم نے قبلہ کی سمت نماز نہیں پڑھی ہے، ہم نے اس کا ذکر نبی اکرم ﷺ سے کیا، تو اللہ تعالیٰ نے فأينما تولوا فثم وجه الله جدھر تم رخ کرلو ادھر ہی اللہ کا چہرہ ہے (سورۃ البقرہ : ١١٥ ) نازل فرمائی۔ تخریج دارالدعوہ : سنن الترمذی/الصلاة ١٤١ (٣٤٥) ، (تحفة الأشراف : ٥٠٣٥) (حسن) (اس کی سند میں اشعث بن سعید متروک ہے، لیکن شواہد کی وجہ ہے یہ حسن ہے )