ابو سعید خدری (رض) کہتے ہیں کہ نبی اکرم ﷺ خطبہ دے رہے تھے، اسی دوران ایک شخص مسجد میں آیا، آپ ﷺ نے فرمایا : کیا تم نے نماز پڑھ لی ؟ اس نے کہا : جی نہیں، تو آپ ﷺ نے فرمایا : دو رکعت پڑھ لو ١ ؎۔ تخریج دارالدعوہ : سنن الترمذی/الصلاة ٢٥٠ (٥١١) ، سنن النسائی/الجمعة ٢٦ (١٤٠٩) ، (تحفة الأشراف : ٤٢٧٢) ، وقد أخرجہ : مسند احمد (٣/٢٥) ، سنن الدارمی/الصلاة ١٩٦ (١٥٩٣) (حسن صحیح ) وضاحت : ١ ؎: اس حدیث سے یہ معلوم ہوا کہ امام خطبہ کے دوران بات کرسکتا ہے، اور مقتدی بھی امام کا جواب دے سکتا ہے، لیکن ازخود مقتدی کا خطبہ کی حالت میں بات کرنا صحیح نہیں ہے۔