ابوہریرہ (رض) کہتے ہیں کہ رسول اللہ ﷺ نے فرمایا : سن لو ! قریب ہے کہ تم میں سے کوئی شخص ایک یا دو میل کے فاصلے پہ بکریوں کا ایک ریوڑ اکٹھا کرلے، وہاں گھاس ملنی مشکل ہوجائے تو دور چلا جائے، پھر جمعہ آجائے اور وہ واپس نہ آئے، اور نماز جمعہ میں شریک نہ ہو، پھر جمعہ آئے اور وہ حاضر نہ ہو، اور پھر جمعہ آئے اور وہ حاضر نہ ہو، بالآخر اس کے دل پہ مہر لگا دی جاتی ہے ۔ تخریج دارالدعوہ : تفرد بہ ابن ماجہ، (تحفة الأشراف : ١٤١٤٨، ومصباح الزجاجة : ٤٠٢) (حسن) (سند میں معدی بن سلیمان ضعیف راوی ہیں، لیکن حدیث شاہد کی وجہ سے حسن ہے، ملاحظہ ہو : صحیح الترغیب : ٧٣٣ )