ثابت کہتے ہیں کہ نبی اکرم ﷺ جب منبر پر کھڑے ہوتے تو آپ کے صحابہ اپنا چہرہ آپ ﷺ کی جانب کرلیتے۔ تخریج دارالدعوہ : تفرد بہ ابن ماجہ، (تحفة الأشراف : ٢٠٧٠، ومصباح الزجاجة : ٤٠٥) (صحیح) (اس کی سند میں عدی کے والد ثابت مجہول الحال ہیں، ان سے عدی کے علاوہ کسی اور نے روایت نہیں کی ہے، ثابت صحابی نہیں ہیں، اس لئے یہ حدیث مرسل ہے، مجہول تابعی ثابت نے اس حدیث کو رسول اکرم ﷺ سے روایت کیا ہے، واسطہ غیر معلوم ہے اس لئے انقطاع کی وجہ سے یہ مرسل ہے، اور ابان بن تغلب کا ذکر سند میں غلط ہے، وہ ابان بن عبداللہ البجلی ہے، نیز حدیث کے شواہد ہیں، اس لئے صحیح ہے، ملاحظہ ہو : تہذیب الکمال ٤ /٣٨٥، و مصباح الزجاجة : ٤٠٥ وسلسلة الاحادیث الصحیحة، للالبانی : ٢٠٨٠ )