عبداللہ بن مغفل (رض) کہتے ہیں کہ نبی اکرم ﷺ نے فرمایا : ہر اذان اور اقامت کے درمیان نماز ہے، آپ نے یہ جملہ تین بار فرمایا، اور تیسری مرتبہ میں کہا : اس کے لیے جو چاہے ١ ؎۔ تخریج دارالدعوہ : صحیح البخاری/الأذان ١٤ (٦٢٤) ، ١٦ (٦٢٧) ، صحیح مسلم/المسافرین ٥٦ (٨٣٨) ، سنن ابی داود/الصلاة ٣٠٠ (١٢٨٣) ، سنن الترمذی/الصلاة ٢٢ (١٨٥) ، سنن النسائی/الاذان ٣٩ (٦٨٢) ، (تحفة الأشراف : ٩٦٥٨) ، وقد أخرجہ : مسند احمد (٤/٨٦، ٥/٥٤، ٥٦، ٥٧) ، سنن الدارمی/الصلاة ١٤٥ (١٤٨٠) (صحیح ) وضاحت : ١ ؎: اس حدیث سے معلوم ہوا کہ اذان اور اقامت کے درمیان نفلی نماز ہے، اور یہ نفل ہر نماز میں اذان اور اقامت کے درمیان ہے، اس پر صحابہ کرام رضی اللہ عنہم کا عمل ثابت ہے۔