ابو سعید خدری (رض) کہتے ہیں کہ رسول اللہ ﷺ نے فرمایا : جب کوئی شخص اپنی نماز میں شبہ کرے تو شبہ کو ختم کر کے یقین پر بنا کرے، اور جب نماز کے مکمل ہوجانے کا یقین ہوجائے تو دو سجدے کرے، اگر اس کی نماز پوری تھی تو جو رکعت زائد پڑھی وہ نفل ہوجائے گی، اور اگر ناقص تھی تو یہ رکعت نماز کو پوری کر دے گی، اور یہ دونوں سجدے شیطان کی تذلیل و تحقیر کے لیے ہوں گے ۔ تخریج دارالدعوہ : صحیح مسلم/المساجد ١٩ (٥٧١) ، سنن ابی داود/الصلاة ١٩٧ (١٠٢٤، ١٠٢٧) ، سنن النسائی/السہو ٤٢ (١٢٣٩، ١٢٤٠) (تحفة الأشراف : ٤١٦٣) ، وقد أخرجہ : موطا امام مالک/الصلاة ١٦ (٦٢) ، مسند احمد (٣/٧٢، ٨٣، ٨٤، ٨٧) سنن الدارمی/الصلاة ١٧٤ (١٥٣٦) (حسن صحیح )